Министерот за внатрешни работи ги отфрли како неосновани обвинувањата за употреба на прекумерна сила од страна на полицијата за време на протестите за името во неделата, а полицијата постапила „по книга“.
Според него, тактичка проценка била употребата на солзавецот и шок бомбите.
Можам да кажам дека тие постапиле правилно, таа постапка е како по книга. Тука, апсолутно полицајците имаат поддршка. Апелирам до граѓаните секој еден којшто сака да го изрази својот револт може да протестира и да протестира мирно. Меѓутоа, никако не смееме да дозволиме да имаме напад на полицајците, заради тоа што е напад на државата, ниту пак да дозволиме напад на некои од институциите и да ни се повтори нов 27 април, тоа во ниту еден момент нема да го дозволиме ние како МВР, изјави Спасовски.
