Премиерот Зоран Заев ја почнаво петокот вечерта теренската кампања во пресрет на референдумот и патува низ градовите да ги убеди граѓаните дека треба да гласаат ЗА договорот со Грција и промена на уставното име на Република Македонија.
Но, наместо тој да им ја пренесе на граѓаните пораката која сакаше да ја каже, се соочи со пораката која граѓаните му ја испратија нему.
Вчера во 18 часот, во Кочани, Заев се обрати на отворена трибина, каде сигурно очекуваше поддршка од граѓаните. Спроти него, од градот со 25.000 жители, застанаа едвај 200 граѓани. Толку жители на Кочани сакаа да ги слушнат зборовите на премиерот пред референдумот.
Целата општина, инаку, брои околу 35.000 граѓани, а само во Кочани живеат 25.000. Тоа значи дека денес дојдоа да го слушнат говорот на Заев само високите членови на партијата и неколкумина граѓани кои СДСМ ги вработи откако дојде на власт.
Затоа пак во сеседен Штип подоцна вечерта беа носени преполни автобуси од Струмица, Пробиштип и Македонски Брод се обиде да ги убеди Штипјани да гласаат „ЗА“ на референдумот. По дебаклот што го доживеа во Кочани попладнето, вечерта тој е во Штип каде има околу 500 граѓани.
На лице место можеше да се забележи дека се носеа и граѓани со три автобуси, четири комбиња и многу автомобили. Инаку преполните автобуси, комбиња и автомобили беа со регистарски таблички од Кочани, Пробиштип, Струмица и Македонски Брод.
