Газдата на фирмата „Секјуриком“, Австриецот Волфганг Гампер, избегал од Македонија со одземен пасош од судот, иако е осомничен за злоупотреба на службена положба, објави СДК.
Според СДК, од Судот им потврдиле дека Гампер не се јавил во судот кога имал обрска, според одредените мерки на претпазливост. Против него се уште не е распишана потерница, но одреден му е притвор од 30 дена, веднаш штом ќе биде пронајден или лишен од слобода.
Финансиската полиција го осомничи Гампер, заедно со поранешниот директор на Службата за општи и заеднички работи, Васе Доневски за криминал тежок 11 милиони евра со тенедер за одржување на просториите на Владата.
