Нова жртва за време на протестите, кои се одржуваат низ целата земја, против зголемувањето на данокот на гориво во Франција.
Ова е втората жртва на протестите, за време на кои демонстрантите ги блокираа клучните патишта, додека стотици други се повредени.
Француското министерство за внатрешни работи денес испрати „искрено сочувство“ до семејството и пријателите на возачот на мотор, кој во понеделникот загинал во сообраќајна несреќа во близина на браната во југоисточниот департман Дром.
Министерството во соопштението детално не објасни како мотоциклистот загинал.
Претходно беше објавено дека 50-годишна жена починала кога мајка со дете во автомобил испаничила кога демонстрантите го опкружиле нејзиниот автомобил и почнале да лупаат по кровот.
Мајката во паника пролетала низ толпата со автомобилот, и при тоа жена демонстраторка настрадала.
Во меѓувреме, протестите на „Жолтите елеци“ денес продолжуваат по патиштата низ цела Франција, а Министерството за внатрешни работи го осуди насилството, кое доведе 552 демонстранти и 95 полицајци да бидат повредени.
#21novembre Les forces de l'ordre constatent les nombreuses dégradations commises au péage de #Virsac.
📷 gendarmerie de la Nouvelle-Aqutaine pic.twitter.com/oSY2v1Bgp4— Préfet Nouvelle-Aquitaine et Gironde (@PrefAquitaine33) November 21, 2018