Илјадници луѓе во Келн денеска протестираа поради турската офанзива на север во Сирија. Градските власти соопштиле дека на улиците излегле околу 10.000 луѓе во рамките на протестот, кој го организирала левичарската партија.
Полицијата била распоредена на местото на настанот поради евентуални насилства, но целиот протест поминал мирно. Некои демонстранти носеле знамиња од сириските курдски сили кои Турција се обидува да ги потисне, додека други носеле плакати со слогани, кои се однесуваат против партијата на турскиот претседател Ердоган.
Во Германија живеат бројни турски и курдски заедници и тензиите меѓу нив често прераснуваат во насилство.