Туристите и жителите на Венеција со гумени чизми се пробиваат низ водата која поплави дел од тој град.
Водата ги поплави кафулињата и продавниците, а поради претпазливост затворени се и градинките, пренесува АП.
Во многу од хотелите може да се најдат гумени чизми за еднократна употреба, за да им бидат при рака на туристите.
АП наведува дека во ормарите на граѓаните на Венеција често се наоѓаат гумени чизми над колена.
Метеоролозите предвидуваат уште врнежи денеска подоцна, особено на североистокот на земјата, каде се наоѓа и Венеција, како и Сицилија и другите јужни региони.
