
Претседателот на ВМРО-ДПМНЕ Христијан Мицкоски на денешната прес конференција, која беше рецензија на измамите во економијата на Зоран Заев и на СДСМ, посочи дека економската политика е катастрофална и дека државата оди во погрешен правец. Според Мицкоски, годината која ја најавуваа за економски бум, впрочен е најтешката и најсиромашната за живот.
Мицкоски разобличи и една од најголемите лаги на Зоран Заев и на СДСМ од економска гледна точка. А, тоа се најавените 5% раст на БДП. „Од денот кога се избрани, заклучно со третиот квартал, растот не е ни половина, односно ни 2.5%“, истакна Мицкоски.
„Минималниот раст што го имаме сега е заради производството на гасната централа ТЕ-ТО, за која имаме многу недоречености како го реализира своето работење. Но, она што е аларматно е падот во преработувачката индустрија, која има негативна вредност. Ниту просечната плата, која требаше да биде 30.000 денари, не е постигната. Ако се спореди првиот квартал во 2018 година, кога разликата во трговската размена извоз-увоз е нешто над 350 милиони евра, со првиот квартал од 2019 година ќе забележите дека отприлика таа е истата, но показателот дека економијата оди во погрешна насока се гледа во вториот квартал. Споредбено 2018, во 2019 година има разлика во извоз со увоз за цели 12.4%, во корист на увозот“, кажа Мицкоски.
Додаде дека во третиот квартал од годинава оваа разлика изнесува 34%, или извозот има за 34% помала вредност во однос на увозот, споредбено 2018 со 2019 година.
Според Мицкоски ова се бројките кои ја покажуваат катастрофата во економија, тоа е показател дека се движиме во погрешна насока, а сето останато е само погрешна слика за економијата. „Кога велат дека блескаме како економија, се работи за политички ПР или за класично незнаење од страна на власта“, рече тој.
Во однос на даночната политика потсети на пиши – бриши политиката, кога се зголемува, па повторно се намалуваа даноците. Политика која ја бранеа редица поранешни министри за финансии од СДСМ, кои беа пуштени низ вода од Зоран Заев со изговор дека е погрешен чекор, а кое беше единствено ветување од нивната економска програма кое го реализираа.
-Најголемата лага е ветувањето дека данокот на добивка за ИТ индустријата ќе го намалат за 5%, што не се случи. Наспротив ветувањата за повластувања за ИТ компаниите, сега имаме одлив на фирми од земјата во странство, кои бегаат од Македонија и формираат свои претставништва во соседните земји, што се гледа преку податокот кој укажува дека додадента вредност во ИТ секторот во вториот квартал од 2019 е намалена за 4.7%, истакна лидерот на ВМРО-ДПМНЕ.
Според него, катастрофална е и наплатата на данокот на добивка. Во период јаануари – ноември има за цели 23.7% помал данок од планираниот, односно за 20% од тој кој бил собран во 2018 година. „Тоа што денес Заев ќе го зборува, дека блескаме, всушност е еден судир во една слепа улица кон која Зоран Заев ја турка и ја води Македонија“, рече Мицкоски.