Грчкиот премиер Киријакос Мицотакис ги повика Германија и другите земји од ЕУ мигрантите и барателите на азил да ги преземат директно од грчкиот остров Лезбос.
„Идејата е дел од постапката на давање азил да се спроведе во други земји“, изјави Мицотакис за Билд.
Како што кажа, европскиот систем за азил и емиграција мора да се унапреди, како што ветила Европската комисија, и додаде дека мора повеќе да се дели товарот од тој проблем.
Околу 39.000 мигранти живеат во центрите и околу нив на Лезбос, Хиос, Лерос и Кос, чиј капацитет е 7.500 луѓе.
Грчките власти наведуваат дека пристигнувањата на мигранти во Грција од соседна Турција повторно се во пораст и десетици илјади мигранти се набуткани во камповите на грчките острови.