Генералниот секретар на СДСМ, Љупчо Николовски, вечерва во емисијата „Топ Тема“ на Телма телевизија одбегна да одговори неколку пати на поставеното прашање, зошто според актуелната анализа 46,5 отсто од граѓаните сметаат дека земјата се движи во лоша насока.
Да ги сочекаме рејтинзите и од денешната објавена анкета и ќе видиме точно што мислат граѓаните, вели Николовски.
Николовски одбегна да одговори на прашањето на денешната анкета од „Македонскиот центар за меѓународна соработка“ и Институтот „Социетас цивилис“ споредбено со 2018 година, за високиот процент од 46,5 отсто на граѓани коишто мислат дека државата се движи во лоша насока и рече дека треба да се почекаат анализите и рејтинзите на политичките партии, според кои исто така с може да се увиди дека опозициската ВМРО-ДПМНЕ е во предност.
Генералниот секретар на владејачката партија, исто така, не одговори која е неговата перцепција за истата анкета, туку призна дека во одредени сектори особено во делот на правдата и во делот на судството, како и недостигот на правда довело до разочарување кај граѓаните.
