
„Во најкрвавиот напад во историјата на Тајланд загинаа 27 лица, вклучувајќи го и напаѓачот, а 57 се ранети, изјави премиерот Прајут Чан-оча, цитиран од светските агенции, на прес конференцијата, по завршувањето на опсадата на трговскиот центар „Рерминал 21″ во североисточниот тајландски град Након Рачасима.
-Во болниците сѐ уште се 32 лица од ранетите, додаде Прајут Чан-оча, кој го посети градот за да се сретне со повредените, пренесе ДПА. -Ситуации како оваа никогаш немало во Тајланд, подвлече премиерот. „ Да се надеваме дека ова ќе биде прв и последен пат“, додаде тој.
Напаѓачот, 32-годишен војник, беше застрелан од специјалните безбедносни сили по опсадата на трговскиот центар што траеше речиси цела ноќ. Премиерот потврди дека веројатниот мотив за ова безумие бил некаков спорен договор за земјиште, од кој напаѓачот се чувствувал измамен.