Кина ќе испрати повеќе од два милиона заштитни медицински маски за Европската унија, којашто стана епицентарот на пандемијата на новиот сој коронавирус Covid-19, најави во средата претседателката на Европската комисија, Урсула фон дер Лејен.
Кинескиот премиер Ли Кечијанг ова ѝ го најавил на Урсула фон дер Лејен во телефонски тазговор, појасни челничката на ЕУ во видео-пораката објавена на Twitter.
„Се согласивме дека борбата против коронавирусот е глобална и дека мораме да си помагаме во овие тешки моменти. Кина не ја заборавила помошта која Кимисијата ѝ ја пружи во јануари, кога таа беше во центарот на епидемијата“, рече Фон дер Лејен.
Во испораката, којашто се очекува „наскоро“ ќе има два милиона хируршки маски, 200.000 маски од типот N-95, исто така заштитни, и 50.000 тестови за откривање на коронавирусот.
Во јануари Европската унија испрати 50 тони медицинска опрема во Кина, потстетува Фон дер Лејен,
Компанијата „Alibaba“, кинескиот гигант во електронското тргување, исто така, испратила заштини медицински маски во Франција и во Италија.
Со новите 684 смртни исходи во последните 24 часа од 78.766 заразени, Европа е континентот на кој пандемијата најбрзо напредува.
Spoke with 🇨🇳PM Li Keqiang who announced that China will provide 2 mil surgical masks, 200,000 N95 masks & 50,000 testing kits. In January, the 🇪🇺helped 🇨🇳by donating 50 tonnes of equipment. Today, we’re grateful for China’s support. We need each other’s support in times of need. pic.twitter.com/2Vsw9p50Ej
— Ursula von der Leyen (@vonderleyen) March 18, 2020
