Американскиот претседател Доналд Трамп синоќа го пофали договорот на водечките светски производители на нафта за намалување на производсвото на сирова нафта на глобално ниво и порача дека , благодарение на тоа, ќе се сочуваат работни места во американската индустрија.
-Договорот ќе спаси стотици илјади работни места во областа на енергетиката во САД, рече Трамп.
Тој истакна дека им се заблагодарил и им честитал на рускиот претседател Владимир Путин и на судискиот крал Салман на постигнатиот договор, пренесоа британските медиуми.
Членките на ОПЕК и нивните сојузници потпишаа договор за намалување на производтвото на нафта на 9,7 милиони барели дневно, соопошти претходно Министерството за енергетика на Казахстан.
Во соопштението се наведува дека е постигнат договор за намалување на производството на нафта за два месеца, почнувајќи од 1 мај.
