Министерството за внатрешни работи (МВР) соопшти дека во текот на изминатото деноноќие 51 лице не ја почитувало забраната за движење. Притоа 34 лица се приведени, а за останатите се земени податоци и ќе следуваат соодветни мерки.
Во истиот период на 72 лица им се издадени решенија за изолација, а 57 лица потпишале изјави за самоизолација.
Од страна на полициски службеници извршени се контроли кај лица во изолација и самоизолација, две лица не ја почитувале мерката за изолација и самоизолација.