ВМРО-ДПМНЕ алармира дека со резерва треба да се земат предвид лажните информации од СДСМ и нивните брифери кои сакаат Зоран Заев да го прикажат во лажно светло, се вели во партиската реакција за лидерската средба кај шефот на државата Стево Пендаровски.
„Факт е дека Зоран Заев борејќи се за потесен пораз лобира на лидерската средба брзи избори на штета на здравјето на граѓаните. Зоран Заев е изолиран во својата намера да организира брзи избори на штета на здравјето на граѓаните. За ВМРО-ДПМНЕ е најважно здравјето на граѓаните, а потоа слободни, фер и кредибилни избори на кој Зоран Заев ќе го доживее најтешкиот дебакл во својата политичка кариера. ВМРО-ДПМНЕ и Мицкоски предложи конкретен план во 4 чекори со кој ќе се заштити здравјето на граѓаните и ќе се одржат избори. Се друго е манипулација брифирана од СДСМ и власта“, се вели во реакцијата на ВМРО – ДПМНЕ.