Директорката на УЈП Сања Лукаревска потврди дека е позитивна на коронавирус.
,,После веста која ја објави другарот Мухамед Зекири, а поради работните состаноци кои ги имавме заедно, направив тест за Ковид-19 и резултатот е позитивен. Немам никакви симптоми и веќе сум во домашна самоизолација. Не можам да бидам сигурна на каков начин сум го добила вирусот, но сите контакти кои ги имав последниве денови беа со целосно почитување на мерките за заштита, со маска, на дистанца и со редовна дезинфекција. Ќе ги следам насоките на епидемилозите во целост и очекувам повеќе информации од нивна страна, согласно анкетата која треба да ми биде направена. Посакувам брзо оздравување на Муки и семејството, на сите други заболени граѓани, како и негативни тестови на сите кои се во самоизолација“, напиша директорката на УЈП на својот фејсбук профил.
Но, и покрај загрижувачката ситуација со коронавирусот кој не стивнува во Македонија, функционери на СДСМ, меѓу кои и Лукаревска, одлучија да почнат политичка кампања во време на пандемија.
Таа заедно со други сопартијци делеше флаери и разговараше со граѓани, со што го стави во опасност и нивното здравје. За време на овие политичкки „собиранки“, Лукаревска имаше и заеднички настапи, а веројатно и партиски средби со техничкиот премиер, Оливер Спасовски.
