Европарламентарката Марион Валсман, потпретседател на Комисијата за правни работи на Европскиот парламент и член на делегацијата на ЕП за Македонија, порача во четвртокот дека политичките партиите во земјата треба да му испратат порака на единство и лидерство на народот и заедно да дејствуваат да се најде нов датум за одржување на изборите, бидејќи безбедноста на граѓаните е на првото место.
Валсман, која доаѓа од германската Христијанско-демократска унија (CDU) на канцеларката Ангела Меркел, во својот твит истакнува дека во моментов станува збор за период на неизвеснот, имајќи ги предвид податоците од последните десет дена кои покажуваат постојан раст на заболените и починатите во епидемијата на коронавурисот.
Исто така, Валсман е една од тројата известувачи во ЕП за Македонија. Нејзината реакција доаѓа откако во средата вечерта Владата предводена од техничкиот премиер Оливер Спасовски од СДСМ, донесе одлуката да се направи измена во Уредбата за изборниот процес.
Right now in a period of uncertainty, #NorthMacedonia 🇲🇰must give the people a sign of unity and leadership: all parties have to act in unison to find a new Election Day. However, the safety of citizens comes first 👉 pic.twitter.com/XIaHF5R1yw
— Marion Walsmann (@MarionWalsmann) June 11, 2020