
Од она кое што досега го разговарав со жителите на Кочани можам да кажам дека ниту овде во Кочани не останала незабележана во негативна смисла тригодишната пандемија предводена од ова раководство на СДСМ и Зоран Заев. Тешко се живее, мачно се живее, лоша економска, социјална па и здравствена ситуација и овде во Кочани, луѓето ги чувствуваат последиците, изјави лидерот на ВМРО-ДПМНЕ, денеска во Кочани каде што ја претстави програмата
– Сето она кое што е секојдневие насекаде во Македонија не го заобиколило ниту пак Кочани, затоа ВМРО-ДПМНЕ и победничка коалиција За обнова на Македонија ќе се обиде во овој пред изборен караван да ја претстави својата програма, да ги претстави политиките, проектите, плановите кои што во следниот четири годишен мандат планира да ги спроведе ширум целата држава- рече Мицкоски.
Тој , како што рече, е свесен дека во Кочани и кочанско можеби најмногу доминира интересот поврзан со земјоделието, редовната исплата на субвенциите, навремениот откуп, откупот по прифатлива цена за земјоделците да се плати на време, да се плати онака како што треба маката и трудот на земјоделецот, на честитиот и чесен земјоделец.
– Она кое што ВМРО-ДПМНЕ го планира во програмата се минимум 640 милиони евра субвенции за земјоделците во еден четиригодишен мандат, обновување на водоводната инфраструктура во делот на наводнувањето на земјоделските насади. Голем дел од проектите кои што ги планира ВМРО-ДПМНЕ вечерва ќе бидат претставени овдека во Кочани. Вие знаете дека ние внимателно го создадовме, а во вторникот ја промовиравме практично онаа наша читанка наречена „Проект обнова“ каде што има повеќе од 1000 проекти на 360 страници, учествуваа многу автори и од земјата но и од странство, луѓе кои што се блиски до ВМРО-ДПМНЕ, луѓе кои што и не се партиски определени но ете сакаа да додадат вредност на таа читанка – рече Мицкоски.
Тој ги повика граѓаните да излезат масовно на изборите за да ја спобедат тригодишната пандемија предводена од ова раководство на СДСМ и Зоран Заев.
– Останувајќи дома, за жал, можеби ќе ја намалиме разликата помеѓу нас и губитничката коалиција Можеме или Можеа има уште многу кованици од овој нивен слоган – рече Мицкоски.