Поради техничките зафати во електросистемот на Град Скопје, утре без електрична енергија ќе останат повеќе улици од општините Чаир, Ѓорче Петров, Центар, Гази Баба, Бутел и во Карпош.
Како што информира РЦУК, во периодот од 8:30 до 14 часот без струја ќе бидат корисниците од улицата „Атанас Бабата“ број 26 и околните четири куќи на истата улица, а од 9 до 12 часот корисниците од улицата „1409“ и дел од потрошувачите околу „БК мебел“, како и Железничката станица во Ѓорче Петров.
Во периодот од 9 до 13 часот прекин на струја ќе има на дел од улицата „Даскал Камче“, а од 8:30 до 10:30 часот во дел од улицата „Апостол Гусларот“ до ОУ „Песталоци“ во Општина Центар.
Од 9 до 13 часот без струја ќе бидат корисниците на улицата „Благоја Стефковски“, поточно потрошувачите помеѓу бензинската станица „Макпетрол“ и средните училиште „Михајло Пупин“ и „Партеније Зоографски“ во Општина Гази Баба.
Во периодот од 13 до 14 часот прекин на струјата ќе има во Радишани, улица „18“ и на улица „Радишанска“ во Општина Бутел, а од 9 до 14 часот корисниците од населбата „Карпош“ на улиците „Милан Марковиќ“, „Леринска“ и „Козле“.
