Министерката за финансии Нина Ангеловска во своја изјава вели дека кога го купила станот за да си го реши станбеното прашање бил уредно пријавен во Антикорупциката комисија, но портпаролот на ВМРО-ДПМНЕ, Димче Арсовски наведува дека тоа, дури и да е така, се случило откако на прес-конференција две дена претходно беше објавена спорната трансакција.
„Мало потсетување: Според моите информации, Нина Ангеловска станот во ДКСК, заедно со последните 50.000€ депозит извадени од “Еуростандард Банка” ги пријавува на 24 јуни 2020 година. -> (Јавно достапни информации според закон за достапност на информации од јавен карактер)
* ако не е точно дека на 24 јуни пријавува промена на анкетен лист, нека ме демантира.
Јас, документите за станот кој го поседува Ангеловска, а го криеше, ги објавив на 22 јуни.
Дали Нина Ангеловска го пријавила станот и испразнетата сметка од “Еуростандард Банка” 2 дена откако ги објавив информациите?
Дали ДКСК отвори случај за ова? -НЕ
Дали Нина Ангеловска сноси одговорност за ова? -НЕ
Дали макар ја казнија и со прекршочна пријава за задоцнет анкетен лист после промена? -НЕ
Дали ќе сноси одговорност? – НОРМАЛНО ДЕКА НЕ
Антикорупциска комисија ако не отвори случај сега и не го реши сето ова, се класични соучесници и помагатели на Нина Ангеловска..“, пишува Арсовски.