Кремљ денеска објави дека не гледа потреба да се испитаат околностите на опозицискиот политичар Алексеј Навални и дека првичната дијагностика на германската болница, која вели дека е труење, сè уште не е конечна.
Портпаролот на Кремљ, Дмитриј Песков, рече дека германската клиника сè уште не дошла до заклучок за супстанцијата која стои зад болеста на Навални. Тој додаде дека не е јасно зошто германските лекари „избрзале“ со употребата на зборот труење.
Но, тој додаде дека доколку се утврди дека навистина е труење, ќе биде покрената истрага.
Навални, долгогодишен остар критичар на рускиот претседател Владимир Путин, се разболе во авионот од Сибир кон Москва во четвртокот, откако пиел чај за кој неговите соработници тврдат дека бил отровен. Тој во коматозна состојба , беше префрлен во Германија на лекување во саботата .
