Откако ја опустоши западна и централна Грција, метеоролозите предупредуваат дека медитеранскиот ураган Јанос сега ќе се насочи кон островот Крит.
Две лица загинаа, а најмалку едно исчезна во бурата што ги опустоши островите во Јонското Море, како и регионот Кефалонија.
„Ги повикувам граѓаните да останат будни додека не помине овој феномен“, рече грчкиот премиер Кирјакос Мицотакис. „Главната цел сега е да спасиме животи. Сите погодени области ќе ја имаат нашата целосна поддршка“, додал тој.
Catastrophic flooding in Greece today (#Kefalonia) as an intense tropical-like cyclone #Medicane #Ionas slams the island.
Reports of the entire Jerusalem beach eroding away – changed forever.pic.twitter.com/PovJY2kVgq
— Scott From Scotland (@ScottDuncanWX) September 18, 2020
Според Ројтерс, безживотното тело на една постара жена е пронајдено во поплавена куќа во село во близина на градот Фарсала, а подоцна телото на 63-годишен маж е пронајдено недалеку од болницата во градот Кардица, но не е јасно дали тој е едно од двете лица, чие исчезнување беше претходно пријавено.
Грчката противпожарна служба соопшти дека примила скоро 2.500 повици за евакуација на затрупани жители и за отстранување на дрвјата што ги блокирале патиштата.
Некои делови од земјата останаа без електрична енергија.
