Во четвртокот вечерта околу 22,05 часот на крстосница од улицата „Методија Андонов Ченто“ и помошна улица во Скопје се случила сообраќајна незгода помеѓу патничко возило „фолксваген голф“, со скопски регистарски ознаки, управувано од 43-годишниот А.Р. од Скопје и мотоцикл „јамаха“, со битолски регистарски ознаки, управуван од 20-годишниот Д.Г. од селото Инџиково, скопско.
По незгодата, Д.Г. и сопатникот на мотоциклот Д.Т.(19) од истото село биле пренесени во Градска општа болница „Св.Наум Охридски“, каде на Д.Т. му биле констатирани тешки телесни повреди, а на Д.Г. телесни повреди. На 25.09.2020 околу 00.30 часот, додека полициски службеници го обезбедувале местото на незгодата, дошол 44-годишниот Т.Г., чиј син учествувал во незгодата, и се однесувал агресивно кон полициските службеници, а неговите синови Д.Г. и К.Г. на 22 години, физички ги нападнале. Сите лица инволвирани во нарушувањето се приведени во Полициска станица Гази Баба, информираат од МВР.
Се преземаат мерки за расчистување на случајот, по што ќе следуваат соодветни поднесоци.
