Некогашнот сопственик на „Медиа Принт Македонија“, Срѓан Керим е обвинет за финансиска недисциплина, односно дека не им плаќал на фирми кои испорачале свои услуги.
Судењето на Керим, открива порталот Правосудство.мк, е закажано за првата половина на декември, иако УЈП против него иницирала постапка уште во февруари 2018 година.
Во Барањето за поведување на прекршочна постапка стои дека „врз основа на извршен надзор врз должникот ‘Медиа Принт Македонија’, а за што е изготвен записник број 25 од 18.06.2017 година, констатирано е дека должникот не ги исполнил паричните обврски кон доверителот ‘Офсет Ацо ДООЕЛ’ и ‘ИН Такси’!“.
Керим бил известен за поведената постапка пред државните инситуции, но тој го игнорирал известувањето и не го плаќал долгот.
