Преку апликацијата „Зум“, денеска се одржа четириесетта седница на Совет на Општина Штип.
– На дневниот ред на оваа седница беше точка за избор на Вршител на должност градоначалник на Општина Штип, кадешто единствен предлог за оваа функција предложен од страна на советник во Советот на Општина Штип, беше досегашниот заменик градоначалник, Јане Миланов којшто едногласно е избран – стои во соопштението од Општина Штип.
В.д. градоначалникот на Општина Штип ќе ја извршува функцијата до предвремените локални избори во декември.
Миланов истакна дека ќе продолжи со тековните проекти и секојдневни обврски на локалната самоуправа со цел непречено одвивање на функционирањето на градот и граѓаните.
