Боби Митев и Златко Јанакиевски ќе бидат дел од стручниот штаб намакедонскиоткошаркарски шампион МЗТ Скопје Аеродром, откако и двајцата се договорија со управата наклубот.
Боби Митев е добро познат на кошаркарската јавност во нашата земја. Во својата кариера беше прв тренер и помошник во неколку клубови и репрезентации во Европа и Азија. Минатата сезона Митев беше тренер на иранскиот прволигаш Естегал Зарин Кешм.
Златко Јанакиевски е еден од нашите најквалитетни кондициони тренери, чие што долгогодишно искуство во подготовката на професионалните спортисти ќе биде мошне значајно за МЗТ Скопје.
Со ангажманот на Боби Митев и Златко Јанакиевски се комплетира стручниот штаб на македонскиот кошаркарски шампион МЗТ Скопје Аеродром. Боби Митев заедно со Александар Јончевски ќе бидат помошници на тренерот Змаго Сагадин.