Министерот за здравство Венко Филипче повторно упати апел да се носат маски, со укажување дека 75 отсто од сите случаи на зараза со новиот коронавирус во земјата немаат симтоми и може да го пренесуваат вирусот без да бидат свесни за тоа.
„Дури 75 проценти од сите случаи на Ковид-19 се асиптоматски, односно немаат симптоми. Тоа значи дека тие може да го пренесуваат вирусот без воопшто да бидат свесни за тоа. Затоа е важно сите да носиме маски и да бидеме сигурни дека и асимптоматските носители не го шират вирусот. Со носењето маска се штитиме себе, но пред сѐ другите. Личната одговорност и свесност е клуч во борбата со пандемијата, а маските докажано се успешни во спречувањето на ширење на вирусот. #НосамМаска“, напиша Филипче на Фејсбук