СДСМ вчера славеше лажна победа. Лажна, како што им е лажен датумот за преговори. СДСМ вчера ги спроведе најкриминалните избори досега, а тој криминал го славеше премиерот Зоран Заев, се истакнува во соопштението од понеделникот на ВМРО-ДПМНЕ, која поради лошата епидемиолошка состојба во земјата, особено во градот Штип одби да учествува на предвремените избори за градоначалник.
Во соопштението на партијата се истакнува дека мнозинството, односно 27.500 избирали во неделата не излегоа на гласање затоа што не се согласуваат со !„криминалот на Заев“.
„Сашко Николов е победник за 400 гласа, но загуби Штип. Заев тераше болни од КОВИД да гласаат само за да ја задржи фотелјата. Многу лесно ги бележеше луѓето кои да излезат да гласаат. Еден глас достигна и до 200 евра. Уцени, закани, притисоци и масовен поткуп е печатот за вчерашните избори. Заев покажа дека тој не може да организира демократски избори. И покрај сето насилие. 2/3 од граѓаните на Штип не му дадоа легитимитет на Заев и СДСМ. 2/3 од граѓаните на Штип не се согласуваат со политиките на Заев. Избори со 1/3 од вкупниот број на гласачи се фарса. СДСМ нема легитимитет. Дополнително после со лажна прослава повторно го стави на коцка здравјето на граѓаните. Народот кажа дека не го сака Заев, се наведува во партиското соопштение.
