На денешното рочиште за случајот „27-ми април“, сослушан беше и Никола Митревски, кој рече дека се познава од детство со сведокот Никола Василевски – Нинџа, но дека не може да договори за дента на 27-и април 2017 година бидејќи против него се води постапка за тој настан.
„Сакам да кажам за протестите дека јас сам сум одел по сопствено убедување“, рече Митревски.
Рече дека се познава со Владимир Атанасовски и дека сосема случајно ги запознал со Нинџа во теретана.
„Во сведочењето Нинџа, кој ми е кум, кажа дека дента на 270ми април во негово присуство Атанасовски ми се јавил мене. Можам да кажам и да се заколнам во моите две деца дека немало таков повик“, рече Митревски.
На прашање од Судот, дали Нинџа е член на ВМРО-ДПМНЕ, сведокот рече – да, од 1998 година, како и мене.
Прашан дали го познава кафулето „Аристократ“, сведокот рече дека го знае и бил таму, посочувајќи дека тоа бил „маалски кафич“.