Грчкиот и турскиот министер за надворешни работи, Никос Дендиас и Мевлут Чавушоглу дојдоа во вербален судир на прес-конференцијата во Анкара, поради различните ставови за повеќе билатерални прашања.
Чавушоглу и Дендиас презентираа спротивставени ставови за поморските граници, мигрантите и третманот на малцинствата што доведе до вербален конфликт меѓу двајцата министри пред камерите, на прес – конференцијата за посетата на грчкиот министер чија цел е започнување дијалог за решавање на билатералните спорови.
Дендиас особено ги критикуваше активностите на Турција во Егејското Море и источниот дел на Средоземното море, како и спроведувањето на договорот за мигрантите од страна на Турција.
A quite tense press conference between Turkish FM Cavusoglu and his Greek counterpart Dendias:
•Cavusoglu said Dendias made unacceptable accusations against Turkey
•Dendias said if Turkey continues to violate Greek sovereignty, there are options on the table pic.twitter.com/k5iJ0TsWDJ
— Yunus Paksoy (@yunuspaksoy) April 15, 2021
-Ако изнесете толку тешки обвинувања против мојата земја и мојот народ, јас сум должен да одговорам, рече Чавушоглу, видно незадоволен од изјавите на неговиот грчки колега.
-Позицијата на Грција е јасна и вие не ја слушате прв пат. Турција ги крши меѓународното право и поморската конвенција во Егејското Море и источниот дел на Средоземното море, како и суверените права на Грција, бидејќи спроведе 400 лета над грчкото тло, рече Дендиас.
Чавушоглу возврати дека Анкара ги штити интересите на Турција и на кипарските Турци во Средоземното Море, додека за договорот рече дека Турција „сосема пристојно“ го спроведува.
Турскиот министер неколку пати повтори дека она што Дендиас го зборува е „неприфатливо“.
https://twitter.com/HSajwanization/status/1382806396434022404?ref_src=twsrc%5Etfw%7Ctwcamp%5Etweetembed%7Ctwterm%5E1382806396434022404%7Ctwgr%5E%7Ctwcon%5Es1_&ref_url=https%3A%2F%2Fvocentar.com%2Fgrczite-i-turczite-se-skaraa-na-pres-konferenczija-vo-ankara-turczija-ja-uczenuva-eu-so-begalczite-video%2F
Грција и Турција, кои со години имаат чувствителни односи, се расправаат околу разграничувањето на зоната за експлоатација на гас во источниот Медитеран.
Односите беа затегнати и од меѓусебното незадоволство од третманот на муслиманските малцинства во Грција и православните малцинства во Турција.
