Стигнаа резултатите од нарко-тестот на победникот на Евровизија

Откако се појавија сомнежи дека победникот на Евровизија, Дамијано Давид, користел дрога за време на настанот, организаторите решија темелно да го испитаат случајот, па пејачот беше принуден да оди на тестирање.

Сепак, на официјалната Твитер страница на Евровизија денеска е објавено дека Дамијано не користел дрога, односно дека резултатите од тестирањето се негативни.

„Во Зелената соба не се користела никаква дрога и можеме да кажеме дека случајот е затворен. Шпекулациите само предизвикаа лажни вести, го засенија духот на настанот и неправедно влијаеја на бендот“, се вели во соопштението.

Претходно била направена и проверка околу масата каде што седел бендот, и навистина таму биле пронајдени срчи, како што и тврдеше пејачот, дека во тој момент само се наведнал да ги собере срчите од чашата што ја турнал неговиот колега.