Не ве сакам на кој било начин, со целото малтретирање и рекет врз нас, уапсени, приведени, уништени, вклучително и денес и вчера, тие продолжуваат да ги повикуваат луѓето и да ги прашуваат за кого гласале. Направете влада, преземете одговорност, водењето на земјата не е претстава, вели лидерот на ГЕРБ, Бојко Борисов.
– Веднаш ќе го вратиме мандатот доколку ни биде даден. ГЕРБ е силна опозиција. Да се оди и да се формира влада и да се работи – рече Борисов.
Тој повторно упати критики до Слави Трифонов и членовите на Има таков народ. За ситуацијата обвинуваше и други политичари како што е Христо Иванов, претседателот на Демократска Бугарија.
– Ако има некаде пад од милиони гласови, тоа е кај Слави Трифонов. Тој секој ден кажуваше дека 2,5 милиони луѓе го поддржале на референдумот, а на 11 јули тие станаа 600.000 – рече Борисов, додавајќи дека Трифонов го правел составот на новата Влада по „фенг-шуи“.
Во однос на расправиите за тоа дали и која партија во Собранието би го поддржала предлогот за Влада на Слави Трифонов, Борисов одговори дека допрва очекува караници, истакнувајќи дека дури и да се качат на Месечината политичарите би се скарале кој да завладее таму.
– Замислете, кога ќе стапнат на Месечината Бугарите и Македонецот, кој ќе стапне прв? Кој ќе завладее? Замислете каква борба ќе настане за тоа кој ќе стапне прв, а сега очекувате да ви одговорам дали ќе се договорат… Треба да си понесат одговорност – заклучи Борисов.
Се појавија шпекулации дека сепак Слави Трифонов би можел да формира влада со поддршка од ГЕРБ на Борисов (второпласирана) и на турската ДПС.
– Поддршка за Слави Трифонов – никогаш, остануваме во опозиција. ГЕРБ – втора политичка сила – веднаш ќе го врати мандатот за формирање влада и во никој случај нема да поддржи влада на Има таков народ – изјави денеска категорично Бојко Борисов.
Самиот Бојко Борисов, најверојатно, нема воопшто да влезе во парламентот, кој вчера ги информираше медиумите дека утре е повикан на распит во полиција.
На прашањето дали ќе се впушти во борба со Румен Радев на есенските избори за претседател на државата, Борисов одговори „не“. За кандидатот на ГЕРБ за шеф на државата, Борисов шеговито кажа дека тој ќе биде „паметен, висок, убав и со коса“.
Лидерот на ГЕРБ, Бојко Борисов споредбата кој прв ќе стапне на Месечината, дали Бугарите или Македонецот ја кажува во 19-та минутуа од видеото:
