Германската полиција, во акција што властите ја оквалификуваа како „екстремистичка закана за напад врз синагога“, привела четворица осомничени во западниот град Хаген.
Меѓу уапсените има и 16-годишник, соопшти локалната полиција на Твитер.
Во тек се потраги по повеќе докази, соопшти полицијата.
Министерот за внатрешни работи на Северна Рајна Вестфалија, Херберт Реул, претходно изјави дека „постои ризик од напад врз синагогата во Хаген“, што „најверојатно е спречено“ од полицијата.
Опасноста од закана за синагогата доведе до блокирање на областите околу синагогата и откажување на службите.