Туниските власти го затворија граничниот премин со Либија откако стотици Египќани бегајќи пред насилствата во таа држава се обидоа да преминат на туниска територија, јавија туниските медиуми.
Затворен е преминот Рас Адждир каде Египќаните кои биле спречени да влезат во Тунис бидејќи немале визи, протестирале на тој премин, развиле знаме на својата држава и урнале дел од оградата.
Туниската погранича полиција реагирала со солзавец и испукување куршуми во воздух.
Притоа еден туниски полициски офицер е ранет од куршум испукан од либиска страна. Во немирите на тој премин вчера загинаа двајца Египќани додека повеќе од 10.000 луѓе главно Либијци, преминаа на туниска страна.