На YouTube каналот на телевизискиот канал Showtime викендов беше објавен трејлерот за документарниот филм „The Real Charlie Chaplin“ (Вистинскиот Чарли Чаплин) посветен на животот и кариерата на ѕвездата на немиот филм.
Автори на филмот се Питер Мидлтон и Џејмс Спини, кои претходно во 2016 година го снимија „Notes on Blindness“ (Белешки за слепоста), а продуцент е Бен Лимберг.
Во филмот за Чаплин се вклучени архивски снимки од приватната архива на актерот, вклучително и досега неприкажани снимки, извадоци од филмовите во кои се појавува еден од најславните филмски комичари направени зад сцената. Филмот раскажува како актерот побегнал од сиромашните кварови на викторијански Лондон и станал холивудска суперѕвезда, а исто така се обидува да одговори на прашањето: кој бил вистинскиот Чарли Чаплин?
Документарецот беше веќе прикажан на неколку значајни филмски фестивали, меѓу кои Лондонскиот, Циришкиот, Меѓународниот филмски фестивал во Хемптон и „Телурајд“ последните два во САД. Филмот, исто така, доби три номинации за наградите Critics Choice Doc Awards, меѓу кои и за категоријата Најдобар архивски документарен филм. Церемонијата на доделувањето на овие награди ќе се одржи на 9-ти јануари 2022 година.
Премиерата на филмот за Чарли Чаплин е закажана во некои американски коно-сали на 19-ти ноември, а потоа ќе биде емитуван на Showtime, почнувајќи од 11-ти декември.
