Студено утро и претежно сончево време со мала локална до умерена облачност, најавува Управата за хидрометеоролошки работи за денеска. Ќе дува умерен ветер од северозападен правец.
Минимална температура се движи од -7°C до 1°C, додека пак максимална температура од 4°C до 10°C.
Во Скопје и околината минималната температура е -3 степени, а дневната ќе достигне до 5 степени.
Од утре попладне, особено на запад, ќе започнат врнежи од дожд, кои ќе продолжат и во ноќта и ќе се прошират насекаде. На повисоките планини врнежите ќе бидат од снег.
