Градоначалникот на Кисела Вода, Орце Ѓорѓиевски денеска оствари средба со амбасадорката на Република Хрватска во земјава.
По тој повод тој објави и Фејсбук статус кој ви го пренесуваме во целост.
Денес во мојот кабинет остварив средба со амбасадорката на Република Хрватска, Нивес Тигањ.
Ги презентирав плановите и проектите кои беа дел од мојата програма кои веќе се започнати со реализација. Посебно внимание посветивме на можностите на подобрување на деловната клима и инвестицискиот амбиент во општината што ќе донесе значајни економски придобивки за граѓаните.
Амбасадорката ја изрази својата желба за заедничка соработка преку иницирање на проекти од заемен интерес, а посебен акцент беше ставен врз искористувањето на хрватските искуства во поглед на искористување на средствата со европските фондови.
Соработката со Република Хрватска ќе продолжи и во иднина и ќе се зацврсти, а сето тоа ќе биде во интерес на жителите на Кисела Вода.
