Според календарот на Македонската православна црква – Охридска архиепископија, односно Јулијанскиот календар денеска е 15-ти декември кога се одбележува споменот на свештомаченикот Елефтериј
Антија, мајката на овој Елефтериј, во верата ја воведе самиот апостол Павле. Во истата таа вера Антија го воспита и својот син. Уште многу млад, на 15-годишна вораст, тој беше ракоположен за ѓакон, а три години подоцна за презвитер. На 20 години беше поставен за епископ на Илирија.
Свети Елефтериј се покажа достоен за висината на својот чин и гласот за него брзо се рашири на сите страни. За него се слушна и во Рим. Тогашниот император Хадријан го повика во Рим и после многу измачувања го погуби. Свети Елефтериј пострада во 120 година. Неговите мошти се чуваат во Рим, во црквата „Света Сусана“
