Градоначалникот на Истанбул, Екрем Имамоглу соопшти дека во некои делови од градот синоќа е измерен дури 85 сантиметри снег. Затоа, многу патишта во градот се затворени, јави агенцијата Анадолија.
Аеродромот во Истанбул е затворен за летови поради обилните снежни врнежи. „Туркиш ерлајнс“ ја продолжи забраната за слетување авиони на аеродромот до 00:00 часот на 26 јануари, соопшти денеска портпаролот на авиокомпанијата.
Градоначалникот ги следи активностите на Центарот за координација при катастрофи. Врнежите од снег кои паѓаат денеска, Имамоглу ги опиша како „катастрофални“.
