По речиси две години патни ограничувања поврзани со пандемијата, границата на Норвешка сега е отворена како што беше пред почетокот на пандемијата. Повеќето ограничувања во земјата се исто така укинати.
-Норвешкиот премиер Јонас Гар Шторе денеска објави дека со моментален ефект, веќе нема никакви барања за сертификати за вакцинација или тестирање при влез во земјата. Отстранети се и претходните барања за пополнување формулар за дигитална регистрација пред пристигнувањето, пренесе Форбс.
Промената на правилото значи дека ако сте имале право да влезете во Норвешка пред пандемијата, сега повторно можете слободно да влезете во земјата.
