Спутник Белорусија го објави доаѓањето на украинската делегација во Белорусија на разговори со Русија.
Украинската делегација, која замина на преговори со Русија, веќе се наоѓа на територијата на Белорусија, пренесува Спутник Белорусија, повикувајќи се на извор близок до процесот.
„Украинската делегација е веќе на влезот на местото на преговорите. Се очекува дека средбата со руските преговарачи ќе започне утрово“, се вели во Телеграмскиот канал на агенцијата.
Прес-секретарот на белоруското Министерство за надворешни работи Анатолиј Глаз истакна дека локацијата е веќе подготвена и сега се очекува пристигнување на делегации.
Преговорите требаше да се случат ден претходно. Руските претставници, на чело со помошникот на претседателот Владимир Медински, пристигнаа во Гомел, градот избран од украинската страна. Но малку подоцна Владимир Зеленски изјави дека Киев не е задоволен од Белорусија и дека преговорите треба да се водат во некоја друга земја. И покрај тоа, по телефонскиот разговор меѓу Александар Лукашенко и украинскиот претседател, средбата била договорена – според Спутник Белорусија, таа ќе се одржи во регионот Гомел, на контролниот пункт Александровка-Вилча, јавува руската агенција РИА Новости.
