Купувач нападнал касиер во КАМ маркет, затоа што овој му кажал да стави заштитна маска. Настанот е видео документиран, а го објави А1 он.
Дваесет и двегодишниот касиер во МВР пријавил дека во 16 часот и 50 минути, додека ги извршувал своите работни задачи, триесетгодишен маж влегол да пазари во маркетот на КАМ во Центар и не носел заштитна маска. Колешка на касиерот го замолила купувачот да стави маска, по што купувачот им се нафрлил на двајцата.
На видеото снимено со телефон се гледа како купувачот му се нафрла на вработениот, а неговите колешки се обидуваат да го оттргнат.
