Нешто пред 15 часот попладнево, воен дрон се урна на југот на Косовска Митровица.
Станува збор за тактичко извидувачки дрон од израелско производство Elbit Skylark 1, потврдија од КФОР за косовски Телеграф.
Додаваат дека дронот се урнал поради дефект и дека нема повредени. Исто така, нема штета, велат оттаму. Тие тврдат дека дронот паднал во приватен двор додека вршел рутински операции за надзор.
КФОР им се заблагодариле на граѓаните за нивната соработка и директен контакт со косовските власти.
„КФОР сака да му се заблагодари на локалното население за нивното разбирање и соработка и за непосредниот контакт со косовските власти, овозможувајќи итно повлекување на дронот и ублажување на какво било мешање предизвикано од инцидентот. КФОР веќе започна истрага за да се утврди причината на инцидентот“.
Сопственикот на куќата во чиј двор паднал дронот рекол дека прво удрил во балконот, а потоа паднал на земја. Тој додава дека бил долг околу три метри.
