Русија денеска соопшти дека вовела санкции за 398 членови на американскиот Конгрес како одмазда против Вашингтон кој минатиот месец стави на црната листа стотици руски пратеници.
„Реципрочните санкции“ на Москва ги вклучуваат „раководството и претседателите на комитетите на Долниот дом на Конгресот на САД“, се вели во соопштението на руското Министерство за надворешни работи.
Американското Министерство за финансии на 24 март објави санкции против 328 членови на 450-члената руска Државна дума – пониско ниво на двостепениот руски парламент.
„Понатамошни најави за руски контрамерки се планирани во блиска иднина“, вклучително и додавање на повеќе Американци на списокот на санкции, се вели во соопштението од Москва, пренесе Си-Ен-Ен.
