Бугарските социјалисти (БСП), партнер во владата на заминување на центристичкиот премиер Кирил Петков, изјавија во средата вечерта дека поради одлуката за протерувањето на 70 руски дипломати што ја изложува Бугарија на одмазда на Москва која може да се одрази погубно, во прв ред, на енергетската стабилност на земјата, нема да ја поддржат новата влада на Кирил Петков.
Мислењето на социјалистите би можело најсиромашната земја членка на Европската унија и на НАТО уште повеќе да ја приближи на нови есенски парламентарни избори, четвртите од април 2021 година.
Социјалистите, коишто поддржувачите на Петков, ги критикуваат како проруски ориентирани, сметаат дека е неприфатливо протерувањето на уште 70 руски дипломати поради наводни сомневања за шпионажа.
„Ги запираме сите преговори со партијата Промените продолжуваат за формирање влада. Одлуката за протерување на 70 руски дипломати е невидена…. Сметаме дека е целосно неприфатлива“, изјави лидерката на БСП и заменичка на премиерот на заминување Корнелија Нинова.
Нинова рече дека Петков одлуката за протерување на руските дипломати ја донел без одобрување на бугарската влада, како и дека нејзината партија би можела да се врати на преговарачката маса за формирање на новата коалициска влада со Промените продолжуваат, доколку Петков биде номиниран за премиер.
Претседателот Румен Радев, кој не се согласува со некои одлуки на Кирил Петков, одби да го коментира протерувањето, велејќи дека мена доволно детални информации, но рече дека се надева дека Петков ги земал предвид можните последици.
Пред сослушувањето зад затворени врати во парламентот за протерувањето на руските дипломати, Петков рекол дека одлуката е донесена по заседавање на националниот Совет за безбедност уште на 9-ти јуни, врз основа на наводни три на разузнавањето од мај и јуни.
„Се чини дека дојде до недоразбирање. Одлуката за тоа што се случило не ја донесов јас“, изјави Петков за медиумите.
Неговата партија Промените продолжуваат се обидува да формира мнозинство за новата влада, откако на неговата влада минатата седмица 1 беше изгласана недоверба откако поддршката ја повлекоа пратеници на партијата Има таков народ и на руското малцинство ДПС. Меѓутоа, политичките коментатори беа скептични дека Петков може да успее во тоа и пред последната одлука на социјалистите.
„Сите се фокусираа на 70-те луѓе кои заминуваат, но руската амбасада продолжува да има повеќе од 40 вработени, што е голема бројка во споредба со многу европски земји“, рече премиерот во оставка на прашањето што мисли за одлуката на БСП, Петков рече дека се надева дека „утрото ќе биде помудро од вечерта“.
По почетокот на војната во Украина, Петков, кој е образуван во САД и важи како „американски човек“, зазема невообичаен силен антируски став за земја којашто со Русија споделува историски, културолошки и религиски врски и со години остварува големи профити од руските туристи.
Таквото влијание на Западот, во прв ред на Вашингтон врз Софија, во минатата деценија придонесе Бугарија да изгуби значителни приходи од транзитот на рускиот гас со запирањето на планираниот Јужен тек, кој во меѓувреме стана Турски тек, како и со откажувањето на изградбата на нуклеарната централа Белене во соработка со Русија.
