Украинскиот претседател Влаодимир Зеленски отпушти уште 28 припадници во Службата за безбедност на Украина (СБУ),
Во своето традиционално вечерно видео обраќање, Зеленски рече дека одлуката влијае на персоналот на СБУ на различни нивоа.
„Генерално, сепак, причините се – незадоволителни резултати во работата“, истакна Зеленски.
Во неделата, украинскиот претседател ги разреши шефот на СБУ, Иван Баканов и главната обвинителка Ирина Венедиктова.
Го наведе своето незадоволство од фактот што повеќе од 60 вработени во СБУ и Обвинителството останале на териториите окупирани од Русија – нешто што властите во Киев го сметаат за предавство.
Андриј Смирнов, заменик-шеф на кабинетот на Зеленски, рече дека речиси пет месеци по почетокот на војната, откривањето на руски шпиони во државните институции продолжува.
Според аналитичарите, сепак, целта на овие потези е да се зајакне контролата на украинскиот претседател врз армијата и безбедносните служби, на чие чело се луѓе назначени пред почетокот на војната.
