Цените на нафтата се задржаа во петокот на меѓународните пазари над нивото од 96 долари за барале, поткрепени од сигналите за јакнење на побарувачката од работна сила во САД што ги ублажи загриженостите за економското забавување на Кина.
Цената на барелот на лондонскиот пазар беше речиси непроменета во однос на вчерашното затворање на тргувањето и изнесуваше 96,46 долари. Тргувањето го четвртокот го заклучи во плус од 2,94 долари.
Значителна промена во цената немаш ниту на американскиот пазар, каде што со барелот денеска се тргуваше по 90,78 долари. А вчера го заврши тргувањето во плус од 2,39 долари.
Организацијата на земјите извознички на нафта (OPEC) одвоено објави дека барелот од референтната кошница нафта од нејзините членки во четвртокот изнесувала 98,22 долари, што значи дела поскапела за 2.49 долари.
Трговците се охрабрени од податокот за падот на бројот нови барања за исплата на надомест за невработеност во САД, што сигнализира на солидна побарувачка на работна сила и покрај забавувањето на стопанските активности. Оптимизмот го поттикна и посилната побарувачка на горива.
Податоците го ублажија стравот од рецесија кој го разгореа сигналите за забавувањето на кинеската економија под притисокот на строгите мерки за сузбивање на новиот бран на Covid-19, но и забавувањето и во САД и во еврозоната.
„Главниот извор на стравувањата во моментов се глобалната рецесија и слабеењето на побарувачката, имајќи ги предвид слабите податоци од САД, еврозоната и Кина. Знаците за забавување на економскиот раст се сеприсутни и би можеле да ја намалат побарувачката на нафта“, велат за Reuters аналитичарите од PVM.
Хаитам ал-Гаис, новиот генерален секретар на OPEC изјави за Reuters дека е оптимист во врска со побарувачката на нафта во 2023 година. Додал и дека картелот сака да ја задржи Русија во пошироката група која ги вклучува и независните произведувачи.
Поддршка на цените им пружи, пак, падот на резервите во САД минатата седмица, имајќи предвид дека компаниите нашле купувачи во европските земји кои бараат замена за руската нафта. Американскиот извор скокнал на рекордните пет милиони барели дневно.
„Сметаме дека ЕУ ќе треба да замени 1,2 милиони барели дневно увоз од Русија со сирова нафта од други региони“, наведуваат во белешката за клиентите од советодавната куќа FGE.
