Телескопот „Џејмс Веб“ на американската агенција за вселенски истражувања NASA дошол до уште едно големо научно откритие, имено открил траги од јаглерод диоксид на планета надвор од Сончевиот систем.
Иако таа егзоплането никогаш нема да биде погодна за живот, успешното пронаоѓање на јаглерод диоксид на научниците им дава надежи дека може да се дојде до слични наоди на планети поблиски до Земјата, пишува агенцијата AFP.
„Мојата прва помисла беше: леле, навистина имаме можност да детектираме атмосфера на планета со големина на Земјата“, објави на Twitter Натали Батала, професорка на Универзитетот Калифорнија во Санта Круз, една од стотиците научници вклучени во проектот „Webb“.
Проучувањето на егзопланетата WASP-39, топол гасовит гигант кој кружи околу ѕвезда на 700 светлосни години далеку, наскоро ќе биде објавено во научното списание Nature.
„За мене тоа ја отвора вратата за идни истражувања за суперземја или дури планета со големина на Земјата“, вели Пјер-Оливие Лагаж, астрофизичар при француската Комисија за атомска енергија (CEA). Суперземјите се планети поголеми од Земјата, но помали од Нептун.
Откривањето на јаглерод диоксид на научниците ќе им помогне и подобро да сознаат како се формирал a WASP-39, соопшти NASA.
Оваа егзопланета кружи околу својата ѕвезда еднаш на секои четири дена, има маса четвртина од онаа на Јупитер, но 1,3 пати поголем дијаметар. Фреквенцијата на неговата орбита и големата атмосфера ја прават WASP-39 идеален кандидат за рани тестирања на инфрацрвениот сензор NIRSpec на телескопот „Webb“.
Телескопите „Hubble“ и „Spitzer“ претходно веќе детектираа водена пареа, натриум и калиум на споменатата егзопланета, но дури со „Webb“ е откриен и јаглерод диоксид.
„Тоа беше посебен момент, мината е важна граница во науката за егзопланетите“, вели Зафир Русамклулов, истражувач во Универзитетот Џон Хопкинс, се наведува во соопштението на NASA.
Телескопот „Џејмс Веб“ вреден 9 милијарди долари, именува по директорот на NASA во периодот од 1961 и 1986 година, беше лансиран кон крајот на минатата 2021 година. Проектот го предводи NASA во партнерство со европските и канадските вселенски агенции, а телескопот е 100 пати помоќен од „Habble“.
