Украинскиот претседател Владимир Зеленски ја изнајмил својата луксузна вила во Тоскана на Руси, објави во вторникот италијанскиот весник „Ил Тирено“. Во меѓувреме, Зеленски ги повика лидерите на ЕУ да не им даваат визи на руските туристи.
Руски пар со адреса во Лондон ја изнајмиле вилата за месец август, за сума од 50.000 евра (50.237 долари), објави весникот. Вилата, која се наоѓа во приморскиот град Форте деи Марми, ја купил Зеленски за четири милиони евра додека украинскиот лидер сè уште бил актер, се додава во извештајот.
Фотографиите објавени на социјалните мрежи од парот потврдија дека тие престојуваат во имотот на Зеленски, изјави Ил Тирено.
„Кориере Дела Сера“, друг италијански весник, го контактирал агентот кој управувал со имотот, кој рекол дека „Станарите не биле Руси, но не можам да кажам повеќе бидејќи приватноста ме спречува“. Сепак, весникот вели дека станарите најверојатно се со руско потекло, „но одамна имаат престој и можеби англиско државјанство“.
Откако руските сили влегоа во Украина во февруари, Зеленски ја повика ЕУ да одбие визи за руските посетители. Рускиот народ, изјави тој за Вашингтон пост претходно овој месец, „треба да живее во свој свет додека не ја сменат својата филозофија“.
Уште во март, Зеленски конкретно ја повика италијанската влада „да го блокира целиот руски недвижен имот, сметки и јахти.
Сите летови меѓу ЕУ и Русија се стопирани уште од првите денови на воената операција на Москва, а блокот во средата го суспендираше билатералниот договор за олеснување на визниот режим со Русија. Суспензијата го намалува бројот на нови визи за ЕУ достапни за Русите без целосно да се елиминира патувањето.
Покрај тосканската вила на Зеленски, украинскиот претседател и неговиот потесен круг, наводно, поседуваат големо портфолио на офшор имоти и средства, вклучително и неколку скапи резиденции во Лондон.
