Енергетската криза, без преседан во ЕУ, е во својата последна фаза на тестирање на односите меѓу Германија и Франција, двете најсилни економии на Унијата. Само две недели по енергичното спротиставување на француското Министерство за енергетска транзиција конечно да се изгради последниот крак на гасоводот „Мид-Кат“ низ источните Пиринеи, официјален Париз се предомисли.
Во вторникот, Бруно Ле Мер, францускиот министер за економија, изрази подготвеност на Париз да го „разгледа“ предлогот на Германија и на Шпанија (која ја има поддршката од Брисел), за поставување на дел од тој гасовод (226 километри ) помеѓу шпанскиот град Остарлик и градот Барбариан на југот на Франција.
Неочекуваниот пресврт во ставот на Париз за мегапроектот Иберо-француски гасовод (замислен во 2003 година и одбиен во 2019 година) дојде по „специјалната покана“ до шпанскиот премиер Педро Санчез да учествува на вонредниот состанок на владата во Берлин во вторникот и потоа да се сретне со канцеларот Олаф Шолц.
„Од моментот кога премиерот на Шпанија и канцеларката на Германија ќе побараат, кога пријателите бараат нешто, ние го разгледуваме барањето на нашите пријатели и партнери. Шпанија и Германија се два блиски партнера на Франција“, рече Ле Мер, со предупредување дека на Париз ќе му бидат потребни „дополнителни детали“ за тоа размислување, пренесоа агенциите.
Доколку „Мид-Кат“ не се оствари, постои алтернатива планирана од Европската комисија, предупреди Ле Мер без дополнително објаснување.
На почетокот на оваа недела, Шолц и Санчез не можеа да бидат појасни во нивната проценка за важноста на „Мид-Кат“ за новиот проток на гас во Централна Европа.
„Германија дава целосна поддршка за поврзување на гасоводот „Мид-Кат“ како дел од долгорочното решение на европското снабдување со гас. Безбедноста на (енергетското) снабдување е дел од националната, германската и европската безбедност… Оттука, изградбата на голема европска мрежа е исклучителна мисија“, нагласи Шолц на заедничката прес-конференција со Санчез.
„Многу сум благодарен на канцеларот Шолц што ја сподели неговата визија за зајакнување на нашите меѓусебни (енергетски) врски“, рече Санчез.
Инаку, шпанскиот енергорегулатор на гасоводните мрежи CNMC и француската GRT заеднички објавија на почетокот на 2019 година дека се откажуваат од крајот на „Мид-Кат“. Во заедничката изјава тие тогаш наведоа дека изградбата на гасовод низ источните Пиринеи ќе го загрози тамошниот екосистем, особено земајќи ја предвид „неодамна усвоената политика на ЕУ за свртување кон почисти извори на енергија“. Помеѓу тогаш и сегашната европска енергетска криза, Мадрид радикално го смени мислењето за „средната мачка“, а Париз сè уште не.
Во исто време, Шолц, цртајќи мапа на енергетските мрежи во ЕУ, на 11 август заклучи дека во екот на оваа криза, „Мид-Кет“ драматично недостига во Европа. Тој тогаш најави дека ќе ја истурка изградбата на гасоводот. Официјален Лисабон и Мадрид веднаш изразија подготвеност да направат се што е во нивна моќ за да ја зголемат испораката на ЛНГ преку идниот гасовод до Германија, но со инсистирање градежниот еснаф да го реши Брисел. Проценките за вредноста на завршувањето на гасоводот се движат меѓу 440 милиони и 2 милијарди евра.
Француското Министерство за енергетски транзиции остана на својот претходен став. „Завршувањето на „Мид-Кет“ бара години и нема да придонесе за решавање на актуелната криза“. Од другата страна на границата на Пиринеите, Жауме Гире, каталонскиот министер за економија, предупреди дека изградбата на „Мид-Кет“ нема да биде ниту лесна, ниту брза и дека тоа е исклучително сложено и само делумно решение.
Париз размислува за „Мид-Кет“ во моментот кога „Гаспром“ целосно ја исклучи славината на француската енергетска компанија „Анжи“ и ја прекина на три дена испораката на сибирска енергија за Германија „Северен тек 1“.
Цената на гасот за испорака во октомври, пак, во Европа завчера повторно порасна (по дводневен пад) на 277,5 евра за мегават-час.
