Соединетите држави почнаа да се задолжуваат за време на пандемијата со Ковид-19 за да ја поддржат економијата откако смртоносниот вирус влијаеше на животите, на пазарите на трудот и на синџирите на снабдување. Неплатениот долг достигна речиси 8 трилиони долари од почетокот на 2020-та година и скокна за 1 трилион долари во рок од само 8 месеци.

Задолжувањето што се случи за време на администрацијата на Доналд Трамп и на почетокот на администрацијата на Џо Бајден беше со ниски каматни стапки. Сега, за време на период на историски висока инфлација и серија на остри зголемувања на каматните стапки од страна на Федералните резерви во борбата со растечките цени, трошоците за задолжување се далеку повисоки.

Комисијата за одговорен фискален буџет (ЦРФБ) минатиот месец процени дека политиката на претседателот Џо Бајден може да го зголеми буџетот за 4,8 трилиони доларски дефицити помеѓу 2021-ва и 2031-ва година.

„Прекумерното задолжување ќе доведе до одржливи инфлациски притисоци, ќе го доведе националниот долг до нов рекорд уште во 2030-та година и тројни исплати на федералните камати во текот на следната деценија или уште порано ако каматните стапки се зголемат побрзо или со повеќе од очекуваното“, напиша тогаш Комисијата.

Нивото на задолжување во САД се зголеми во изминатата деценија. Заостанатиот државен долг изнесуваше 10,6 трилиони долари кога поранешниот претседател Барак Обама ја презеде функцијата на 20-ти јануари 2009-та година, 19,9 трилиони долари кога Доналд Трамп стана претседател на 20-ти јануари 2017-та година и 27,8 трилиони долари кога Бајден ја презема функцијата на 20-ти јануари 2021-ва година, покажуваат податоците на Министерството за финансии.

Поминувањето на уште една пресвртница за долгот сигурно може да укаже на „многу голем проблем“ во иднина. Меѓутоа, на краток рок, најголемата загриженост се високите стапки на инфлација, рече Алекс Пел, американски економист во „Mizuho Securities“.

„Секој вид на издавање долгови е всушност потенцијален проблем, јас дури и не би рекол дефинитивен проблем, туку потенцијален проблем за следните 5 до 10 години. Една од придобивките да се биде светска резервна валута е тоа што секој сака да го купи вашиот долг евтино“, вели тој.